Япония халқаро ҳамкорлик банки консорциуми (JBIC) ва Sumitomo Mitsui Banking Corp Ўзбекистоннинг Ташқи иқтисодий алоқалар Миллий банки билан 7.4 млрд иеналик (63 млн доллар) кредит шартномасини имзолади. Юу ҳақда банк вакилига таянган ҳолда РИА Новости агентлиги хабар бермоқда.

Шартнома 12 йил муддатга имзоланди, дастлабки икки йилда тўловлар имтиёзли тарзда 2.94 фоиз қилиб белгиланди.
Кредит маблағлари 2014 йил сентябрида Ўзбекистон ахборот ва коммуникацион технологиялар вазирлигининг Япониянинг Ogawa Seiki Co. ltd компанияси билан имзолаган шартномаси доирасида рақамли асбоб-ускуналар сотиб олиш ва Ўзбекистонда ахборот-коммуникацион технологияларини ривожлантириш мақсадларига йўналтирилади.
Умумий қиймати 73.6 млн долларни ташкил этувчи бу шартнома 2016 йилга қадар рақамли телевидение асбоб-ускуналарининг етказилишини кўзда тутади. Лойиҳанинг 11 долларлик қисми Ўзбекистон банклари ҳисобидан молиялаштирилади.