Россия қаҳрамони Аҳмад Қодиров номли минтақавий жамғарма Хитойнинг Ляонин вилоятидаги Далян шаҳрида жойлашган Цинюньцзе рус қабристонини тиклашга молиявий кўмак кўрсатади. Бу ҳақда ХХРда истиқомат қилувчи рус диаспорасининг 9-конференцияси чоғида Даляндаги бирлашма раҳбари Алексей Андрюнин баёнот берди.

“Даляннинг марказий Цинюньцзе кўчасида жойлашган рус қабристони таъмирталаб бўлиб қолган. Биз у ерда тез-тез ҳашар ўтказиб турамиз, лекин кучларимиз камлик қилмоқда. Қабристонни ва у ердаги ибодатхонани тиклаш учун моддий ёрдамга муҳтожмиз. Бизнинг бирлашмамиз бир неча йилдан буён ҳомий қидириш билан банд, яқинда Россия қаҳрамони Аҳмад Қодиров номли минтақавий жамғармадан ижобий жавоб олдик. Улар барча таъмир ишларини молиялаштиришга ваъда берди”, – унинг сўзларини келтиради ТАСС агентлиги.

Даляндаги рус фуқаролик қабристонида рус-япон уруши йилларида (1904-1905) рус аскарлари ҳам кўмилган. Шу боис у қисман ҳарбий қабристон ҳам ҳисобланади. Бундан ташқари, 1945 йилларда у ерда совет аскарлари кўмилган.