Австралиянинг миграция ишлари бўйича департаменти ходимларига иш соатларида угги, вьетнамка ва комбинезон кийиб юриш тақиқланди. Бу ҳақда The Daily Telegraph нашри хабар бермоқда.

Ташкилот мутасаддиларининг фикрича, ходимлар эркин дресс-код тартибини суиистеъмол қилиб, “профессионалликнинг оддий қоидалари”га риоя қилмай қўйган. Шу боис янгича тартиб ўрнатишга тўғри келган. Жумладан, комбинезонлар “катта одамнинг гардеробида бўлмаслиги керак” деб баҳоланди.