"Милан" жамоаси хўжайини Сильвио Берлускони Карло Анчелоттининг "Милан" жамоасига қайтишидан умидини узмаётгани ҳақидаги фикрларини билдириб ўтди.

Бироз олдинроқ, Анчелотти "Реал"ни тарк этганди.

"Мен умид қиламанки, Галлиани Анчелоттини "Милан"га олиб келишга муваффақ бўлади. Айни дамда бизда жамоа мураббийлиги учун ундан ташқари 4 нафар номзод бор, улардан уч нафари италиялик, яна бири эса хорижлик", деб маълум қилади Берлускони.

26 май куни "Милан" жамоасининг спорт директори Адриано Галлиани Карло Анчелотти билан яна бир бор учрашув ўтказиши ҳамда уни жамоага қайтаришга уриниб кўриши айтилган.

Corriere della Sera нашрининг ма`лумотларига кўра, "россонерилар" Анчелоттига жами 120 млн евро тўлашни назарда тутувчи 3 йиллик шартнома таклиф қилади.

Эслатиб ўтамиз, Анчелотти умуртқа поғонасини операция қилдириши туфайли бир йил футболдан четда қолишини айтган эди.