Мопс зотига мансуб Пип лақабли кучук Буюк Британиядаги энг кичик кучук сифатида қайд қилинди. Бу ҳақда The telegraph нашрида ёзилган.
Пип айни вақтда 4 ойлик бўлиб, унинг вазни 600 грамм, бўйи эса 10 сантиметрни ташкил этади.
Кучукчанинг эгаси 54 ёшли Жоанн Эстли ҳисобланади. 2014 йилда у мопс зотига мансуб итни боқиб олган эди ва бу ит 4 ой олдин бекасига 4та кучукбола туғиб берган.
Ўша кучукболалардан бири бўлган Пип бошқаларидан фарқли равишда ўсмай қолган. Айни вақтда у бошқа кучукболалардан икки баробар кичик бўлиб қолмоқда. Эстли хоним уни кичик сумкасига солиб юради.
Қайд қилинишича, Пипнинг яшаб қолиши учун унга доимий равишда махсус ичимлик бериб туриш талаб қилинади.