Расмий маълумотларга қараганда, Евросиё иқтисодий иттифоқига аъзо давлатлар ичида Қозоғистонда ишсизликнинг энг паст даражаси қайд қилинди. Мамлакатдаги иқтисодий фаол аҳолининг 0.6 фоизи ёки 56.1 минг киши ишсиз эканлиги айтилди. Ундан кейинги ўринда Беларусь (0.9 фоиз ёки 39 минг) ва Россия (1.3 фоиз ёки 1 млн) эгаллади.

Бу маълумотлар МДҲ давлатлараро статистик қўмитаси томонидан тақдим этилди.
Шунингдек, Қирғизистонда ишсизлар сони 59.3 минг кишига, Арманистонда эса 73 минг кишига тенглиги айтиб ўтилди.
Шунга қарамай, фақатгина Россияда ишсизларни таъминлашга етадиган бўш иш жойлари бор (1.2 млн), бошқа давлатларда эса иш ўринлари етишмовчилиги кузатилмоқда.