Даниялик фитнес мураббийи Том Хоэль планкинг бўйича янги жаҳон рекордини ўрнатди. TheLocal.dk ресурсининг маълум қилишича, 51 ёшли мураббий 4 соат 28 дақиқа давомида елкалари, тирсаклари ва оёқ учига таянган ҳолда қорнида ётишнинг уддасидан чиққан.

Илгариги рекорд ҳам унинг ўзига тегишли эди. У эски натижасини 80 дақиқага яхшилади.
“Жаҳон чемпиони мақомини қайтариш мароқли”, – деди у нашрга берган интервьюсида.
Хоэлнинг таъкидлашича, рекордни янгилаш учун у 9 ой мобайнида машқ қилган. Илгариги натижани қайд қилиш учун унга 4 ой машқ қилиш талаб этилган эди.