Мадриднинг "Реал" клуби президенти Флорентино Перес Карло Анчелоттининг истеъфосини расман тасдиқлади

"Клуб директорлар кенгаши Анчелотти билан хайрлашишга қарор қилди. Бу жуда оғир қарор, аммо умид қиламизки бу қарор жамоа фойдасига хизмат қилади. Карло десима учун бутун ходимлар ва мухлислар ҳурматига лойиқ мураббий. Аммо биз янги давр бошлаш вақти етиб келди деб ҳисоблаймиз. Келгуси ҳафта давомида "Реал"нинг янги бош мураббийи номини билиб оламиз", - дейди Перес.

Қайд этиш жоиз, Анчеллоти мураббийлигида “Реал” жорий йилда бирорта ҳам унвонни қўла кирита олмади.

Анчелотти “Реал”га 2013 йилнинг ёзидан бери мураббийлик қилиб келаётган эди. Унинг бошчилигида клуб Чемпионлар Лигаси, Испания кубоги, УЕФА Суперкубоги ва клублараро жаҳон чемпионатини ютган эди.