Калининградда яшовчи Надя Барковская "Орзулар театри" деб аталадиган "Олд Траффорд"да ўз орзусига етишди.
Мияcидаги оғир хасталик билан оғрийдиган бу қиз "Манчестер Юнайтед" жамоасининг ашаддий мухлиси ҳисобланади ва у болалигидан бери "Олд Траффорд"да ўтириб, севимли жамоасининг ўйинини томоша қилишни ва севимли футболчилари билан саломлашишни орзу қиларди.


Унга "Манчестер Юнайтед" жамаосининг сайти орқали бу орзунинг амалга ошиши ҳақида маълум қилишганида Надя анча вақтгача кўзларига ишонмайди. Маълум бўлишича, НТВ телеканали ташаббуси билан бу орзунинг амалга ошишига эришилган, Надя ва акасининг Англияга бориб келишини "Аэрофлот" таъминлайдиган бўлгани ойдинлашди.

Надя 17 май куни "Олд Траффорд"да "Манчестер Юнайтед" ва "Арсенал" баҳсини вип-ложада ўтириб кузатди. Ўйиндан кейин эса, жамоа футболчилари билан учрашиб, улар билан гаплашди. Футболчилар Барковская номи битилган "МЮ" футболкасига ўз дастхатларини қолдиришди.

Ўша куни, ўйин тугаб, ҳамма тарқалгач, "Олд траффорд" ўйингоҳида Надянинг ёлғиз ўзи саёҳат қилиши имкони берилган.