Россия ва Миср 12та Sukhoi Superjet 100 самолётини (кейинроқ яна 12та самолёт олиш шарти билан) сотиб олиш бўйича келишувга эришишлари мумкин. Мисрга самолётлар 2016 йилнинг охиридан етказиб берила бошланиши айтилмоқда. Бу ҳақда Россия савдо-саноат вазири Денис Мантуров маълум қилди.

“Биз Қоҳира аэропортида жойлашган иккита SSJ-100 самолётини Миср авиакомпанияларига намойиш қилдик. Булар 95 ўриндиқли йўловчи версия ва VIP-версиядаги самолётлардир", деб айтди вазир.

Мантуров Миср фуқаролик авиацияси ва транспорт вазирлари билан ушбу самолётларни сотиб олишга қизиққан харидорларга энг мақбул молиявий шартларни тақдим қилишга келишиб олганини қўшимча қилиб ўтди. Унинг айтишича, ҳозир бу масала кўриб чиқилмоқда.