25 май куни "Зенит" жамоаси мухлислари Санкт-Петербург шаҳрида жамоанинг 90 йиллик юбилейини кенг кўламда нишонлашди ва кўчаларда ҳамда шаҳар марказида мушакбозлик уюштиришди.

Юзлаб фанатлар Эрмитаж музейи яқинида байрамни нишонлашган, яна ўнлаб мухлис эса Нева дарёси бўйида мушакбозлик қилишган. Полиция ходимлари уларнинг ҳаракатларини чекламаган.

"Зенит" шарафига шу куни шаҳардаги эътиборли обидалардан бири "Шохли устунлар"да олов ёқиб қўйилган. Шунингдек, шаҳардаги бошқа бир неча муҳташам бинолар "Зенит"га хос бўлган кўк ва оқ рангларда товланиб турган.

Маълумот учун, "Зенит" 1925 йилнинг 25 май кунида ташкил этилганди. Жорий йилнинг 17 май куни "питерликлар" мавсумда муддатидан олдин Россия чемпионига айланишди ҳамда жамоанинг 90 йиллик юбилейига муносиб совға ҳозирлашди.