Россия президенти Владимир Путин Буюк Британия бош вазири Дэвид Кэмерон билан телефон орқали мулоқот қилди. Бу ҳақда Даунинг-стрит вакилларига таянган ҳолда Россия оммавий ахборот воситалари хабар бермоқда.
Таъкидланишича, суҳбат 30 дақиқа давом этган. Суҳбатда кўтарилган асосий масала Сурия ва Украинадаги инқироз бўлган.
Маълум қилинишича, икки сиёсатчи Сурия ихтилофи юзасидан музокараларни қайтадан жонлантириш учун бир қатор учрашувлар ўтказиш кераклиги борасида келишувга эришилган. Украина масаласида эса икки давлат раҳбари бирор-бир келишувга эриша олмаган.