Самарқандлик ёзувчи ва публицист Нусрат Раҳматнинг ёғоч қошиқлар музейи очилди. Музей унинг Кўтарма қишлоғидаги уйида жойлашган. Маълум қилинишича, у ерда ёзувчи томонидан ярим аср мобайнида тўпланган турли халқларга мансуб 200 дона ёғоч қошиқ тўпланган.
Таъкидланишича, Нусрат Раҳмат ёғоч қошиқлар тўплашни ўзига хос хоббига айлантирган. Шу боис, қаерда бўлмасин, турли шаклдаги ёғоч қошиқларни тўплаб борган. Музей тўпламидан ўрин олган қошиқлардан бири унга Чингиз Айтматов томонидан совға қилинган.