Forbes журнали дунёнинг энг нуфузли 100 нафар аёли рейтингини чоп этди. Унда кетма-кет 5-маротаба 1-ўринни Германия канцлери Ангела Меркель эгаллади.

Рейтингнинг 2-ўрнида Ҳиллари Клинтон қайд этилди, у 2004 йилдан бери ушбу рейтингдан жой олиб келмоқда. Бундан ташқари, энг нуфузли аёллар рўйхатининг юқори ўнталигига Билл Гейтснинг рафиқаси ва тадбиркор Мелинда Гейтс, АҚШ Федерал захира тизими раҳбари Жанет Йеллен, General Motors бош директори Мэри Барра, Халқаро валюта жамғармаси раҳбари Кристин Лагард, Бразилия президенти Дилма Русеф, Facebook директорлар кенгаши аъзоси Шерил Сандберг, YouTube бош директори Сьюзен Вожиски ва АҚШнинг амалдаги президенти Барак Обаманинг рафиқаси Мишель Обама ҳам киритилган.

Бундан ташқари, ушбу рўйхатга шоу-бизнес вакилалари – хонандалар Бейонсе, Тейлор Свифт ва Шакира, телебошловчи Опра Уинфри ва актрисалар Анжелина Жоли ва София Вергара ҳам киритилди.

Меркель 2011–2014 йилларда ҳам ушбу рўйхатга етакчилик қилган. 2010 йилда рйхатнинг энг юқори поғонасини Мишель Обама эгаллаган эди.