Қиролича Елизавета II Буюк Британия парламентининг янги сессияси очилиши олдидан сўзлайдиган анъанавий нутқида Буюк Британия Украинадаги вазият туфайли Россияга босим ўтказишда давом этишини маълум қилди. Бу ҳақда РИА “Новости” ахборот агентлиги хабар бермоқда.

“Менинг ҳукуматим Украинанинг ҳудудий ва суверен яхлитлигига амал қилишни таъминлаш мақсадида Россияга босим ўтказишда давом этади ва Минск келишувларининг тўлиқ бажарилишини талаб қилади”, деб айтди.

25 май куни Россия президенти Владимир Путин ва Буюк Британия бош вазири Дэвид Кэмерон Украинадаги инқирозни муҳокама қилишди ва Минск келишувларининг бажарилиши зарурлигини таъкидлаб ўтишди.