Милан суди Uber таксиларга буюртма бериш хизматининг ўз хизматлари учун оладиган хизмат ҳақи паст миқдорда бўлгани учун бутун Италия бўйлаб унинг фаолиятини тўхтатиб қўйишга қарор қилди. Бу ҳақда The Wall Street Journal нашри хабар бермоқда.

Суд ҳаками Uber'нинг ўз хизмати учун оладиган паст хизмат ҳақи оддий таксичилар ўртасида виждонсиз рақобатчиликни юзага келтираётганини таъкидлаб ўтди. Мамлакат ҳудудида ушбу хизмат фаолиятининг тўхтатилишига 15 кун муҳлат берилди, акс ҳолда компанияга кунига 22 минг долларлик жарима солиниши мумкин.

Uber суднинг қарори устидан шикоят қилишини ҳамда такси хизматидан яна икки ҳафта давомида фойдаланиш мумкинлигини таъкидламоқда.