Аввал хабар берганимиздек, Россияда бўлиб ўтадиган Жаҳон Чемпионати-2018 иккинчи саралаш босқичига киришиш олдидан Ўзбекистон миллий терма жамоаси Эрон билан ўртоқлик учрашуви ўтказади.

Миржалол Қосимов шогирдлари Эронга қарши 11 июнь куни майдонга тушади.

Ушбу учрашувнинг ўтказилиш вақти ва жойи ҳам маълум бўлди. Демак, Ўзбекистон – Эрон ўйини Тошкентдаги “Бунёдкор” стадионида ўтказилади.

Учрашув соат 18:00да старт олади.

Эслатиб ўтамиз, Ўзбекистон терма жамоаси Жаҳон Чемпионати саралаш босқичи доирасидаги дастлабки учрашувини 16 июнь куни, сафарда КХДРга қарши ўтказади.