Бразилия полицияси 26 май куни 30 йилдан бери қочқинликда юрган итальян мафиясининг бошлиғини қўлга олди. 56 ёшли Паскуале Скотти исмли бу мафиоз Интерпол ва Бразилия полициясининг биргаликдаги операцияси натижасида Ресифи шаҳрида қўлга олинди.

Скотти Неаполдаги Camorra гуруҳи мафиясининг хўжайини бўлган. 1980 йилда унинг 20дан ортиқ кишининг қотиллигида айбдорлиги ўрнатилган. 1983 йилда у қўлга олинган. Мафиозни қўлга олиш пайтида отишма юз берган ва жиноятчи бир нечта еридан жароҳат олган. 1984 йил Рождество байрами арафасида Скотти ўзи даволанаётган қамоқхона шифохонасидан қочишга муваффақ бўлган.

Италия йўлларида минглаб автомобиллар текширувдан ўтказилганига ва рейдлар амалга оширилганига қарамай, карабинерлар уни ушлай олмаган. 1991 йилда у 20дан ортиқ қишининг қотиллиги, ноқонуний тарзда ўқотар қурол сақлаганлик ва товламачиликда айбдор деб топилиб, сиртдан жазога тортилган.

Бразилияда мафиоз ўз ташқи қиёфасини ўзгартирган. Уни 30 йил аввалги архив маълумотларида сақлаб қолинган бармоқ излари бўйича топишга муваффақ бўлинди. Скотти Бразилияда ўз оиласи билан оилапарвар одамларга хос тарзда ҳаёт кечирган: у ўзининг икки фарзандини мактабга олиб келганда қўлга олинди.

Италия ҳукумати жиноятчининг экстрадиция қилиниши жараёнини бошлади.