Украина президенти Пётр Порошенко янги миллий хавфсизлик стратегиясини тасдиқлади. Бу ҳақда унинг расмий сайтида чоп этилган фармон орқали маълум бўлди.

Ҳужжатга кўра, Украина олдида турган асосий вазифалар унинг ЕИ билан интеграциясини таъминлаш ва НАТОга кириш учун шарт-шароитлар яратишдир.
Бундан ташқари, янги стратегияда мамлакатнинг ҳудудий яхлитлигини тиклаш ҳам кўзда тутилган.

Украина учун энг катта таҳдид сифатида Россия агрессияси баҳолаган. Матнда таъкидланишича, Россия “Украина иқтисодиётини заифлаштириш, унинг ҳудудларини эгаллаш ва давлатчилигини йўқ қилиш”ни ўз олдига мақсад қилиб қўйган.
Шунингдек, бундан буён мудофаа ва хавфсизлик секторига ҳар йили ялпи ички маҳсулотнинг 5 фоизи ажратилиши белгилаб қўйилди.