2016 йили ЮНЕСКО паловни Ўрта Осиё халқларининг ноёб ижтимоий-маданий феномен сифатида халқаро номоддий маданий мерос объектлари рўйхатига киритиши мумкин.

2015 йилнинг март ва апрель ойларида Ўзбекистон ва Тожикистон ЮНЕСКОга палов билан боғлиқ маҳаллий маданият ва анъаналарни ушбу рўйхатга киритиш учун мурожаатнома йўллади.
Ўзбекистон юборган талабнома “Палов: маданият ва анъаналар”, Тожикистоннинг талабномаси эса “Оши палав: анъанавий таом ва унинг Тожикистондаги ижтимоий-маданий контексти” деб номланади. Бу мурожаатлар ЮНЕСКО номинацион қўмитасининг расмий сайтида жойлаштирилган.

Бу мурожаатлар кейинги йили кўриб чиқилади. Экспертларнинг фикрича, палов ҳар икки давлатга тегишли мерос ва анъана сифатида рўйхатга киритилиши мумкин.