Тошкентнинг “Илҳом” театри 3-14 июнь кунлари Россиянинг Воронеж шаҳрида бўлиб ўтадиган Платонов номли 5-халқаро санъат фестивалида Алишер Навоийнинг “Сабъаи сайёр” достони асосида саҳналаштирилган спектални намойиш этади. Бу ҳақда РИА Новости агентлиги хабар бермоқда.

“Сабъаи сайёр” достони Навоийнинг “Ҳамса”сини ташкил этувчи беш достондан бири бўлиб, унинг марказида шоҳ Баҳромнинг соҳибжамол Дилоромга бўлган муҳаббати ётади. “Илҳом” театри бадиий раҳбари Борис Ғафуровнинг сўзларига қараганда, ушбу асар асосига қурилган спектакль орқали труппа сюжетга янги чизгилар беришга ҳаракат қилади.