“Ангрен” БПИМБ корхонаси участка бошлиғи Илҳомжон Мадраҳимов Ангрен кўмир конига айлана йўл қурилиши жараёнида катта миқдордаги пулларни ўзлаштириб юборганликда айбланмоқда. Бу ҳақда “Ҳуқуқ” газетаси хабар бермоқда.
Келтирилишича, “Қамчиқавтойўл” ИЙФК билан тузилган шартномага кўра, компания Ангрен кўмир конининг айланиб ўтиш йўлини қуриб бериши лозим эди. бунинг учун 1 млрд 892 млн 312 минг сўм пул ажратилди. Хизматлар учун 9 млн 413 минг сўм ажратилди.
Бироқ объектда бажарилган ҳисоб-китоб ишлари 192 млн 555 минг сўм маблағ қўшиб ёзиш йўли билан ўзлаштирилгани, сифатсиз ишлар қиймати эса 435 млн 895 минг сўмни ташкил қилиши аниқланди.
Бу ишларда гумон қилинган И. Мадраҳимовга “Тошкент” КХСИТФКда иш юритувчи лавозимида ишлаб келаётган, ёрдамчи пудратчи бўлган Муҳаммаджон Мавлонов шериклик қилган. Унинг корхонаси томонидан бажарилган ишлар қийматига 119 млн 387 минг сўм маблағ қўшиб ёзилган, 297 млн 619 минг сўмлик қурилиш ва таъмирлаш ишлари сифатсиз бажарилган.
Суд ҳар икки айбланувчига тегишли жазони тайинлади.