“Наполи” бош мураббийи Рафаэль Бенитес мавсум якунлангандан кейин клубдан кетишини маълум қилди.

“Клуб президенти ва мухлисларга миннатдорчилик билдирмоқчиман. Икки йил ўтиб менинг “Наполи”даги фаолиятим ўз ниҳоясига етди.

Якшанба куни (31 май) бизни “Лацио”га қарши муҳим учрашув кутмоқда ва мен ўзимнинг “Наполи”даги икки йиллик фаолиятимни ғалаба билан якунлашни истардим”, деб айтди Бенитес.

Аввалроқ Бенитес ўз фаолиятини Мадриднинг “Реал” клубида давом эттириши маълум қилинганди. Бироқ матбуот-анжуманда журналистларга Бенитеснинг бўлғуси фаолияти ҳақида саволлар бериш тақиқлаб қўйилгани сабаб Бенитес бу ҳақда ҳеч нарса демади.