Дунёнинг энг кекса эгизак одамлари бир ой фарқ билан вафот этишди

Жамият 28 Май 2015 2918

Буюк Британияда дунёда энг кекса ёшдаги бир тухум ҳужайрадан дунёга келган эгизаклар, опа-сингил Флоренс Дэвис ва Гленис Томас вафот этди. Бу ҳақда The Daily Mail нашри хабар бермоқда. Нашрнинг таъкидлашича, опа-сингил Девис ва Томас 103 ёшида бир ой фарқ билан дунёдан кўз юмишди.

Эгизаклар 1911 йилда, “Титаник” кемасининг ҳалокатга учрашидан бир йил аввал дунёга келишган. Улар иккита жаҳон уруши, фуқаролик ҳуқуқи учун ҳаракат, транспорт ва технологиялардаги тараққиётнинг гувоҳи бўлишди. Опа-сингиллар бир-бирларига қўшни бўлиб, ёнма-ён яшашган ва ҳеч қачон ўзларининг Жанубий Уэльсдаги Абертридур қишлоғидаги уйларини тарк этишмаган. Улар уйлари ошхонасидан очиланган эшик орқали бир-бирлариникига кириб туришган.

Томас 23 апрелда, Дэвис 20 майда вафот этди. “Улар оддий ҳаёт кечирганлар, ҳеч қачон хорижга бормаганлар, улар бирга бўлганларидан доимо бахтиёр бўлганлар”, деб айтмоқда Томаснинг қизи, 65 ёшли Гвенда Стейси.

Томас ўз ортида бир қиз, 3 набира, 9 эвара ва бир нафар чевара, Дэвис эса 3 фарзанд, 9 набира ва 12 эвара қолдириб кетди.

Аввалроқ 73 йил бирга ҳаёт кечирган эр-хотин бир кунда 5 дақиқа фарқ билан ҳаётдан кўз юмганлари маълум қилинганди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28716 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64759 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8088 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125172 Жамият
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 514 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 903 Жаҳон
Ўзбекистон Республикаси Олий суди турли миш-миш хабарларга раддия берди
Уқубат ва бардош тимсоли. Афғонистонда бугун мустақиллик куни (фотожамланма)
17:20 1551 Жаҳон
Кўпроқ янгиликлар