Ўзбекистон президенти Ислом Каримов Жанубий Кореяга сафари доирасида ушбу мамлакат президенти Пак Кин Хе билан музокаралар ўтказди. Бу ҳақда Yonhap нашрига асосланиб, "Газета.уз" хабар берди.

Yonhap агентлигининг хабар қилишича, музокаралар чоғида иқтисодий ҳамкорликни кенгайтириш ва бир нечта йирик қўшма лойиҳаларни амалга ошириш бўйича келишувга эришилган.
Икки давлат раҳбари томонидан имзоланган қўшма декларацияда Жанубий Кореянинг етакчи компаниялари Ўзбекистон иқтисодиётига замонавий технологиялар ва инвестициялар олиб кириши маълум қилинган.

Икки томонлама ҳамкорликнинг асосий йўналишлари нефть-газ, нефть-кимё ва автомобилсозлик соҳаларидир. Шунингдек, қуёш энергияси ва транспорт инфраструктураси модернизацияси бўйича ҳамкорликни йўлга қўйиш режалаштирилмоқда.

ФОТО: Ислом Каримовнинг Жанубий Кореяга сафари