Мадриднинг “Реал” футбол жамоаси дарвозабони Икер Касильяс “Манчестер Юнайтед” дарвозабони Давид де Хеанинг “Реал”га ўтиши эҳтимоли борлигидан хавотирланамаётганини айтди.

“Агар де Хеа жамоамизга ўтса, биз бундан жуда хурсанд бўламиз. Соғлом рақобат – бу яхши нарса. Менинг шартномамда айнан мен биринчи рақамли дарвозабон бўлишим кераклиги ҳақида ҳеч нарса айтилмаган.

Биз клубда ҳам Испания терма жамоасидаги каби асосий таркибдан жой олиш учун курашишимиз керак. Де Хеа – ажойиб дарвозабон, у босимни кўтара олади ва унинг “МЮ”да орттирган тажрибаси жамоага фойда беради.

Бир марта Флорентино Перес мендан агар имконим бўлганда, қайси дарвозабонни жамоага олган бўлишим ҳақида сўраганда, мен испанияликлар – Серхио Рико, Асенхо ва де Хеани афзал кўришимни айтган эдим. Ҳозирда бу дарвозабонлар орасидан де Хеа энг тажрибалиси ҳисобланади”, дейди Касильяс.