УЕФА президенти Мишель Платини ФИФА президенти Йозеф Блаттер билан учрашгани ҳақида маълум қилди.

“Мен ФИФАни яхши кўраман, унинг тарихига қойил қоламан. Бироқ мен тўйдим. Бўлаётган воқеалар барча чегаралардан ўтиб кетди.

Мен Блаттерга дангал: “Зепп, биз бирга ишладик ва ютдик, бироқ бугун истеъфога чиқишингни сўрайман”, деб айтдим.

У менга: “Мишель, биз бир-биримизни кўпдан биламиз, бироқ энди жуда кеч бўлди, мен кета олмайман – конгрессга бир кун қолди”, деб айтди.

Мен Зеппдан лавозимидан кетишини сўрадим, чунки у ФИФАнинг нуфузига катта зиён етказмоқда. Дўстингга кетиши ҳақида айтиш осон эмас, бироқ буни вазият тақозо қилмоқда. Мен буни қайғу билан айтаман. Ҳаддан кўп жанжаллар бўлмоқда.

Мен Зеппга бизни кўп танқид қилишаётганини айтдим. У “Сени менчалик танқид қилишмаяпти, ҳар ҳолда”, деб айтди”, демоқда Платини.

Платини УЕФАнинг аксарият аъзолари ФИФА президенти сайловида Блаттерга овоз бермасликларини айтмоқда.