Ямандаги жанговор ҳаракатлар қурбонлари сони деярли 2 мингга яқинлашди, деб хабар бермоқда Reuters ахборот агентлиги.

Бу ҳақда Бутунжаҳон соғлиқни сақлаш ташкилотининг ҳисоботида айтилмоқда.

Хабарда 19 мартдан 22 майгача давр ичида Яманда 1942 киши ҳалок бўлгани айтилмоқда.

Аввалроқ Яман Вазирлар маҳкамасининг расмий вакили Ражах Бодий мамлакатдан чиқиб кетган Абд Раббо Мансур Ходий Женевада бўлиб ўтадиган тинчлик ўрнатиш бўйича музокараларга келмаслигини маълум қилганди.

Бодий бу қарорга хусийчилар томонидан улар босиб олган шаҳарлар ва мамлакат пойтахтидан ўз кучларини олиб чиқиб кетиши шартларининг бажарилмаётгани сабаб бўлганини айтган.