Жиззахнинг Зарбдор туманидаги касб-ҳунар коллежларидан бирининг директори А. Ҳасанов давлат мулкини ўзлаштиришда айбланиб, жазога тортилди. Бу ҳақда “Ҳуқуқ” нашри хабар бермоқда.
Айтилишича, А. Ҳасанов 2013-2014 йилларда директорлик лавозимида ўтирган. Шу йиллар ичида у ўқитувчиларга мажбурий равишда тўлов қайдномаларига имзо қўйдириб, 2 млн сўмдан ортиқ иш ҳақларини ўзлаштирган.
Шунингдек, у коллеж ихтиёридаги 2та иситиш қозонини 10 миллион сўмга номаълум шахсларга сотиб юборган.
Суд қарори билан собиқ директорга тегишли жазо тайинланди.