АҚШ ва Канада ФИФА президентлиги учун ўтказиладиган сайловда Иордания шаҳзодаси Али ибн ал-Ҳусайнни қўллаб-қувватлашади. Бу ҳақда Ассошейтед Пресс нашри хабар берган.

Хабарда айтилишича, АҚШ вакили Сунил Гулати ҳамда Канада вакили Виктор Монтальяни шундай баёнот билан чиқишган.

29 май куни оқшомида дунёдаги мамлакатларнинг футбол федерациялари раҳбарлари ФИФА президентлиги учун овоз беришади. Бу сайловда амалдаги президент Йозеф Блаттер ҳамда вице-президент Али ибн ал-Ҳусайн ўзаро кураш олиб боришади.