Американинг Небраска штатида ўлим жазоси бекор қилинди. Ўлим жазоси шартли равишда муддатидан олдин озод қилиш ҳуқуқисиз умрбод қамоқ жазосига алмаштирилди.

Ушбу қонун лойиҳаси ўн йиллаб ўлим жазосини бекор қилишга ҳаракат қилган мустақил сенатор Эрни Чемберс томонидан таклиф қилинди.

Небраска губернатори республикачи Питт Риккетс штатнинг олий жазосини сақлаб қолишни ёқлаб чиқди, аммо кўпчилик овоз (30 га қарши 19) билан сенаторлар янги қонунни қабул қилди. Шундай қилиб, Небраска ўлим жазоси қўлланилмайдиган АҚШнинг 19-штатига айланди.

Небраскада ўлим жазосига ҳукм қилинган жиноятчи охирги марта 1997 йилда қатл қилинганди.

Айни вақтда штат қамоқхоналарида ўлимга ҳукм қилинган 10 киши бор. Энди уларнинг жазоси умрбод қамоқ жазосига алмаштирилади.