Москва шаҳрида Туркиянинг Dedeman Hotels & Resorts International халқаро меҳмонхоналар тармоғининг дастлабки меҳмонхонаси очилди. Тантанали очилиши маросими Россия пойтахтида 27 май куни ўтказилди. Шу тариқа, компанияга тегишли дунёнинг турил бурчакларида жойлашган меҳмонхоналар сони 16тага етди.

Бу – тармоққа мансуб Россиядаги биринчи меҳмонхонанинг очилиши.
Тадбирда Туркиянинг Россиядаги элчиси Умид Ярдим, Москва шаҳар миллий сиёсат, минтақалаларо алоқалар ва меҳмонхона хўжалиги департаменти раҳбари Сергей Шпилько, Dedeman Holding директорлар кенгаши раиси Мурод Дедеман, кенгаш аъзоси Рифат Дедеман, Туркия, БАА, Марокаш, Судан ва Ўзбекистон дипломатик миссиялари ходимлари иштирок этди.

Шунингдек, янги меҳмонхонага йирик компаниялар, банклар ва туристик агентликлар вакиллари ташриф буюрди.
Пойтахт шаҳарнинг Измайлово туманида очилган ушбу меҳмонхона Dedeman Park Izmailovo Moscow деб номланди.