«Ўзбекнефтегаз» МХК ва GS Engineering & Construction Co. компанияси 4,5 млрд долларлик қўшма лойиҳани амалга оширмоқда.

Жанубий Кореянинг энг йирик қурилиш компанияларидан бири GS Engineering & Construction Co компанияси 28 майда Ўзбекистонда нефть-кимё соҳасида ишлаб чиқариш корхонаси қуриш бўйича 4,5 млрд долларлик лойиҳани амалга ошириш учун шартнома имзолади.

“Ўзбекнефтегаз” Миллий холдинг компанияси ва GS Engineering & Construction Co компанияси ўртасидаги ҳамжиҳатлик меморандумига мувофиқ, Жанубий Корея компанияси табиий газдан олефин ишлаб чиқариш корхонасини қуради. Олефин пластмасса олишда ишлатилади.

GS Engineering & Construction Co компанияси кореялик инвесторлар билан консорциум шакллантиради ва лойиҳанинг 50 фоизини молиялаштиради, қолган қисми эса “Ўзбекнефтегаз” томонидан қопланади.

Айни кунларда якуний нархлар ва ишлаб чиқариш қувватлари бўйича музокаралар олиб борилмоқда.

Юқорида келтирилган меморандум Ўзбекистон Президенти Ислом Каримовнинг Сеулга ташрифи чоғида имзоланди.