Ўзбекистон Фанлар Академияси геология ва геофизика институти ходимлари бир даврда яшаган динозаврлар ва сут эмизувчиларнинг изларини аниқлашга муваффақ бўлишди. Таъкидланишича, сув йўлида улар динозаврларга хос уч бармоқли оёқ изларидан ташқари, жуфт туёқлилар ва мушуксимонлар оиласига мансуб йирик йиртқичларнинг изларини ҳам қайд қилганлар.
Институт ходими, геолого-минералогия фанлари номзоди Александр Гончарнинг таъкидлашича, аниқланган барча излар битта геологик давр – палеогенга тўғри келади. Умумтарқалган гипотезага кўра, сут эмизувчилар фақатгина динозаврлар қирилиб кетган кейингина тарқалган. Эндиликда, ўзбекистонлик тадқиқотчиларнинг кашфиётидан сўнг, астероиднинг тушиши барча динозаврларнинг ҳалокатига олиб келмагани ҳақида гапириш мумкин.


Топилмалар бўйича дастлабки маълумотлар ўтган йили “Геология ва минералогия ресурслари” журналида чоп этилган эди. Янги маълумотлар эса май ойида бўлиб ўтган “Геология, геофизика ва металлогениянинг долзарб масалалари” мавзуидаги конференцияда ошкор этилди. Тадқиқот натижалари Ўсимлик ва ҳайвонот дунёси генофонди институти ва “Ўзбектуризм” миллий агентлигини қизиқтириб қўйгани хабар қилинмоқда.