2015 йилнинг 3 июнь куни Тошкентдаги Ёшлар ижоди саройида “Болажонлар-ширинтойлар” болалар модалар фестивали бўлиб ўтади.

Тадбир ташкилотчилари – Osiyo Ramzi Ўзбекистон дизайнерлари уюшмаси, маданият ва спорт вазирлиги, олий ва ўрта махсус таълим вазирлиги, Oltin Qanot ўқувчи ёшлар бирлашмаси, Jasmin Art Style МЧЖ.

Фестиваль мода соҳасига қизиқувчи ёш истеъдод соҳибларига ўз салоҳиятларини намойиш қилиш учун имкон яратиб беради. Бу йилги тадбирда “Тантана” болалар гуруҳи моделлари, “Томоша” театри ва “Колибри” арт-бюро мактаби тарбияланувчилари иштирок этади. Ҳар бир гуруҳ учун махсус либослар коллекцияси ишлаб чиқилган.