Тошкент Тиббиёт академияси яқинида, Кичик ҳалқа йўлида Mercedes Benz русумидаги автобус ёниб кетди. Бу ҳақда Facebook’даги «Водители Ташкента» гуруҳи аъзолари хабар беришган.

Суратларда автобус ёнаётгани, ўт ўчирувчилар оловни ўчиришга ҳаракат қилаётгани кўриниб туради. Автобус қайси йўналишда ҳаракатлангани, жабрланганлар бор ёки йўқлиги ҳақида маълумот берилмаган.

Қайд этиш жоиз, сўнгги йилларда Тошкентда бир неча бор Mercedes Benz Conecto сериясидаги автобуслар ёниб кетди.