“Катта еттилик” (G7) Россияга қарши янги санкцияларни муҳокама қилиши мумкин. Бу ҳақда Оқ уй матбуот котиби Жош Эрнест маълум қилди.

Эрнест Россия “Украинадаги ҳаракатлари учун етарлича зиён кўрганини” маълум қилди. Унинг айтишича, Россия “ўзини келгусида ҳам бундай тутадиган бўлса” бу босимни ҳис қилишда давом этади.

Оқ уй вакили Россия “Украинанинг ҳудудий яхлитлигини бир неча бор бузганлигини” эслатиб ўтди.

Аввалроқ Россиянинг Европа Иттифоқидаги доимий вакили Владимир Чижов Россияга “Мистраль” вертолёт ташувчи кемаларининг етказиб берилиши бўйича битимнинг бекор қилинишига ташқи босим сабаб бўлган, деб ҳисоблашини айтган эди.