29 май куни Наманган вилояти, Уйчи туманидаги Машад жомеъ масжидининг янги қурилган биносида очилиш маросими бўлиб ўтди.

Маросимда Наманган вилояти бош имом хатиби Абдулхай қори ҳам иштирок этган.

Маросимда қатнашган бошқа иштирокчиларнинг маълум қилишича, шу куни жума намозига шу вақтгача ҳали кузатилмаган даражада кўп намозхон ташриф буюрган.

Бу масжид баъзи хусусиятларига кўра, вилоятда ягона ҳисобланиши айтилмоқда.

Масжид замонавий усулда 3 қават қилиб қурилган ҳамда ўртадаги асосий гумбаз атрофида 4та баланд миноралар ўрнатилган.