Франциянинг собиқ президенти Николя Саркози етакчилик қиладиган “Халқ ҳаракати учун иттифоқ” (Union pour un mouvement populaire) партияси ўз номини “Республикачилар” (Les Republicains) партияси деб ўзгартирди. Бу ҳақда партиянинг расмий сайтида маълум қилинди.

Бу қарор партия тарафдорлари ўртасида интернет орқали овоз бериш натижасига кўра қабул қилинди, бироқ буни ҳали расман партия съездида тасдиқлаш керак бўлади.

Қайд этилишича, сўралганларнинг 83,28 фоизи партия номининг ўзгартирилишини маъқуллаган, 16,72 фоизи қарши чиққан.