Тула вилоятидаги Косая Гора қишлоғида бир оиланинг 5 нафар аъзосини ўлдирган 30 ёшли қотил Ўзбекистон фуқароси эканлиги аниқланди.
Қотиллик шанбага ўтар кечаси шахсий уйлардан бирида содир бўлди. Аниқланишича, қотил илгари ўлдирилган аёллардан бири билан бирга яшаб келган. Орада келиб чиққан келишмовчилик туфайли жаҳл устида эркак аёлни, унинг 5-10 ёш орасидаги ўғли ва 2 қизини ҳамда онасини ўлдирган. Фақатгина ҳалок бўлган аёлнинг эри ва 7 ёшли боласи тирик қолган.
Ҳозирликда, Интерфакс агентлигининг хабар беришича, жиноятчи ўз айбини тан олган ҳолда кўрсатма бермоқда. Жиноят мотивлари ҳозирча аниқланмаган.
Тула вилояти губернатори Владимир Груздев жиноят иши бўйича терговни ўз назорати остига олди.