Интернет тармоғида Хитойнинг “Стелс” технологияси асосида ишланган кўринмас учар аппаратларни овловчи Divine Eagle дронларининг дастлабки суратлари пайдо бўлди. Таъкидланишича, янги учувчисиз самолёт юқори тезликда ва баландликда ҳаракатланишга қодир, максимал тезлик ва баландилкда унинг ҳаракатлари радиолокацион тизимларда акс этмайди.
Маълум қилинишича, Divine Eagle жорий йилнинг февралида биринчи парвозни амалга оширган. Аммо унинг суратлари яқиндагина эълон қилинди.

Ҳозирги пайтда янги дрон ҳақида, унинг техник тавсифи ҳақида етарлича маълумотлар йўқ. Мутахассислар расмларга қараб унинг айрим техник тавсифларини топишга ҳаракат қилишди. Жумладан, расмлардан маълум бўлишича, прототип бир двигателли иккиланган корпус ва қанотга эга бўлиб, қанотлар мувозанатга солиш вазифасини бажаради. Яширин таҳдидларни аниқлаш учун дрон етти турдаги махсус радарларни қўллайди.
Экспертлар баҳосига кўра, самолёт 1.5 м диаметрга эга, баландликнинг узунликка нисбати эса 1:12ни ташкил қилади. Самолёт узунлиги 18 м, қанотлар парвози – 50 м.

Divine Eale имкониятлари ҳарбий ҳаракатлар чоғида рақиб кучларига қарши, жумладан, кўринмас технологиялар асосида ишловчи қирувчиларни топиш учун қўлланилиши мумкин.