“Тошшахартрансхизмат” акциядорлик компанияси Тошкент шаҳрида жамоат транспорти қатновининг сусайганини маълум қилди. Бу борадаги расмий баёнот ташкилотнинг расмий сайтида эълон қилинди.
“Ёқилғи етказилишининг 30 фоизга қисқариши муносабати билан автобуслар қатнови орасидаги танаффус кўпайтирилиши мумкин”, – дейилади эълонда.
Корхона ушбу ноқулайликлар учун йўловчилардан узр сўради.
Эслатиб ўтамиз, бугун эрталабдан ижтимоий тармоқлар фойдаланувчилари жамоат транспортларининг графикдан кечикаётганига эътибор қаратишган эди. Эндиликда бу ҳолат “Тошшахартрансхизмат” томонидан расман тасдиқланди.
Графикдан ортда қолиш қачонгача давом этиши ва вазият қачон ўнгланиши ҳақида ҳозирча ҳеч қандай маълумот берилмади.