Шу йилнинг ёзидан бошлаб Россия ҳарбий хизматчиларига “Россия армияси тарихининг қисқа курси” ўқитила бошланади. Бу ҳақда мамлакат мудофаа вазирлиги матбуот хизмати ва ахборот бошқармаси хабар тарқатди.
Эслатиб ўтилишича, ёзги таълим босқичи 1 июлдан бошланади. Барча қисмлар ва бўлинмаларда давлат ва жамият тайёргарлик машғулотлари доирасида Россия армиясининг “мамлакатни мудофаа қилишдаги тарихий роли” ҳақида махсус курс ўқитилади.
Курс учун тайёрланган қўлланма бир неча қисмларга бўлинган бўлиб, ундан Россиянинг машҳур саркардалари, армиянинг жамиятдаги ўрни, қуролли кучларнинг яратилиши ҳақида маълумотлар ўрин олган.