Самарқандда сохта қурилиш фирмалари ташкил қилиб, 30 млрд га яқин пулни ўзлаштирган жиноий гуруҳ қўлга олинди

Жамият 01 Июнь 2015 3022

Самарқандда турли сохта фирмалар номидан иш юритиб, бошқа ташкилотларни алдаш йўли билан 30 млрд сўмга яқин пулни ўзлаштириб юборган жиноий шериклар қўлга олинди.
“Ҳуқуқ” газетасида ёзилишича, муқаддам бир неча бор судланган Суяр исмли шахс таниши Самарқанд туманида Олег номига “Самарқанд Гулобод инвест” МЧЖ ташкил қилган. Директор расман Олег ҳисобланса-да, ташкилотни Суяр хуфиёна бошқариб келган.
Икки шерик корхона фаолияти давомида пул кўчириш йўли билан 10 млрд 852 млн сўмлик қурилиш материаллари ва бошқа турдаги маҳсулотлар олди-сотдиси билан шуғулланган.
Суяри Иштихон туман ДСИдан “Аъзам қурилиш гранд” хусусий корхонасини рўйхатдан ўтказиб, унга Аъзам исмли танишини “қўғирчоқ директор” этиб тайинлаган. Бу корхона орқали у 17 млрд 783 млн сўмлик қурилиш материалларини нақд пулга сотган.
Бундан ташқари, “Бунёд капитал инвест” МЧЖ билан 65 млн сўмлик қурилиш моллари етказиб бериш борасида шартнома имзолаган. “Бунёд капитал инвест” “Самарқанд Гулобод инвест”нинг Капиталбанкдаги ҳисоб рақамига тегишли пулларни ўтказиб берган. Аммо жиноий шериклар бу пулларни ўзлаштириб, маҳсулотлар етказиб берилгани ҳақидаги сохта ҳужжатларни ҳамкорларига тақдим қилган.
“Бунёд капитал инвест” мутасаддилари ҳуқуқ-тартибот органларига мурожаат қилишди. Олиб борилган тафтиш ишлари натижасида улкан миқдордаги пуллар ўзлаштирилгани ва бошқа ҳуқуқбузарликлар амалга оширилгани аниқланди. Суяр ва унинг жиноий шериклари судга топширилди.

Кун янгиликлари
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 14699 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 43918 Жамият
Кун.uz офис изламоқда
15:48 / 06.08.2017 46011 Lifestyle
Тошкент ирригация ва қишлоқ хўжалигини механизациялаш муҳандислари институтида “Ҳаракатлар стратегияси хонаси” очилди
UMS марказий офисида «Artel Mobile» сотувлар офиси очилди
Янги авлодга қандай эришамиз?
АҚШ ва Жанубий Корея қўшма ҳарбий машқларни бошламоқда
09:44 353 Жаҳон
Экспертлар КХДР ракета-ядро кучлари қўмондонлиги қаерда жойлашганини аниқлашди
09:40 1059 Жаҳон
Американинг 10 дан ортиқ дипломати Кубада «акустик ҳужум»га учради
09:35 533 Жаҳон
Россия ҲКК ИШИДнинг 200 дан ортиқ жангарисини йўқ қилди
09:24 961 Жаҳон
Кўпроқ янгиликлар