2 июнь куни Халқаро болаларни ҳимоя қилиш йили муносабати билан Tashkent Land боғида хайрия тадбири уюштирилади. Таъкидланишича, ушбу анъанавий тадбир 18-марта ўтказилмоқда.
Тадбир ташкилотчилари – “Соғлом авлод учун” ва “Сен ёлғиз эмассан” жамғармалари, халқ таълими, ташқи иқтисодий алоқалар, инвестициялар ва савдо вазирликлари, Тошкент шаҳри ва вилояти ҳокимиятлари.
Мамлакатнинг энг яхши боғига шаҳардаги 21, 22, 23, 30-сонли, вилоятдаги 14 ва 15-сонли меҳрибонлик уйларининнг тарбияланувчилари, мудофаа вазирлиги ходимларининг боқувчисиз қолган болалари, “SOS Ўзбекистон болалар қишлоқлари” Ассоциацияси филиали болалари, жами 1 000 нафар бола таклиф қилинган.
2 июнь куни боғда болалар учун бепул аттракционлар, музқаймоқлар ва ичимликлар ташкил қилинади. Ҳомийлар – Аминов Макс ва Royal Muz Service МЧЖ.