Тошкентнинг Юнусобод туманида истиқомат қилувчи Венера исмли қиз интернет орқали қаллоблик қилишда айбланмоқда.
“Огоҳ” газетасининг ёзишича, у Одноклассники ижтимоий тармоғида “Гулида” исми билан рўйхатдан ўтиб, 1988 йили туғилган Дилдора исмли қиз билан танишган. Сўнг унга кийим-кечак ва пардоз анжомларини сотиб беришини айтиб, 9 041 000 сўмлик буюмларини олиб қўйган. Аммо шундан кейин у Дилдора билан алоқани узган.
Дилдора “дугонаси”нинг қайтишини икки ой кутган. Алданганини билгач, милицияга мурожаат қилган. Милиция ходимларини қаллобни қисқа муддатда топиб, жиноий жавобгарликка тортган.