Ўзбекистонга АҚШ Федерал суд маркази раҳбари Жереми Фогель бошчилигидаги делегация ташриф буюрди.
Олти кунлик сафар чоғида делегация Ўзбекистон олий суд ва қонунчилик органлари вакиллари билан учрашувлар ўтказади.

Сафарнинг дастлабки кунида Олий судда учрашув ўтказилиб, унинг доирасида томонлар ўзаро ҳамкорлик истиқболларини муҳокама қилди.
“Миссиямиздан кўзланган асосий мақсад суд ҳокимияти соҳасидаги ҳамкорликни янада кучайтиришдир, – деди Фогель “Жаҳон” ахборот агентлигига берган интервьюсида. – Биринчи навбатда, бу кадрлар тайёрлашни яхшилаш, юристлар малакасини ошириш ва, албатта, суд тизимини такомиллаштириб бориш зарур. Биз ўзбекистонлик ҳамкасбларимиз билан ҳамкорлик қилишда давом этамиз”.