АҚШ миллий хавфсизлик вазири Жей Жонсоннинг баёнотига кўра, мамлакат аэропортларида назорат янада кучайтирилади.
Илгари синовдан ўтказилган хавфсизлик тизими кутилган натижани бермади. Текширувлар шуни кўрсатдики, 70 ҳолатдан 67тасида бортга қурол ва портловчи модда олиб киришга муваффақ бўлинган.
Reuters агентлигининг хабар беришича, текширув АҚШнинг ўнлаб аэропортларида ўтказилган. Агентлар қурол ва портловчи ускуналар муляжларини хавфсизлик тизимидан олиб ўтиши талаб қилинган. Уларнинг аксарияти бунинг уддасидан чиққан.
Текширув қониқарли натижа бермагач, Транспорт хавфсизлиги маъмурияти хавфсизлик тизимига ишонч йўқлигини тан олган ва назоратни кучайтиришга чақирган.
Текширув натижаларини қўлга киритиган вазирлик бу борада тезкор чора-тадбирлар кўра бошлади. Хусусан, персонални тренингдан ўтказиш, қўшимча жиҳозлар ўрнатиш, текширувларни кучайтириш режалаштирилмоқда.