IDC тадқиқот агентлиги маълумотларига кўра, интернетга уланган “ақлли” уйлар тизими жаҳон бозори 2020 йилга қадар 2 баробарга ошиб, 1,7 трлн ни ташкил қилиши башорат қилинмоқда. Бу ҳақда Reuters ахборот агентлиги хабар бермоқда.

Буюмлар интернетининг ҳар йилги ўсиши 16,9 фоизни ташкил қилиши прогноз қилинмоқда. 2014 йилда Интернет буюмлари бозори ҳажми 655,8 млрд долларни ташкил қилган эди.

Samsung томонидан уйлар тизимларини бошқариш технологиясини ишлаб чиқарувчи SmartThings компаниясининг 200 млн долларга сотиб олингани ҳам ушбу бозорнинг истиқболли эканидан дарак беради. Google компанияси ҳам ўз навбатида “ақлли” термостатлар ва ёнғин сигнализацияси ишлаб чиқаришга ихтисослашган Nest Labs компаниясини 3,23 млрд долларга сотиб олган.