Нилуфар Усмонованинг янги видеоклипи Vevo телеканали орқали намойиш қилинди

Маданият 02 Июнь 2015 8125

Нилуфар Усмонованинг “Дунё” қўшиғига ишланган видеоклип тақдимоти бўлиб ўтди. Хонанданинг мухлислари уни 31 майдан бошлаб Vevo мусиқий интернет-ресурс орқали томоша қилиши мумкин.

“Ҳамма қўшиқни мен билан бирга куйласин, мен билан бирга яшасин ва эрталаб янгиланиб, ҳаётга чанқоқ бўлиб уйғонсин ва бахтга эришсин. “Дунё” бу ҳамма ҳис қиладиган, аммо овоз чиқариб айтмайдиган ҳисдир”, – дейди хонанда ўзининг янги қўшиғи ҳақида.

Vevo Universal, Sony, Phil, Abu Dhabi, E1 овоз ёзиш студияларининг қўшма лойиҳасидир. vevo.com ресурсидан фақатгина бир нечта хорижий давлатларда фойдаланиш мумкин, аммо унда МДҲ артистларининг профиллари ҳам бор. Нилуфар Усмонова Ўзбекистон эстрадасининг бу видеоканалда ўз шахсий саҳифасига эга биринчи намояндаларидан бири бўлди.

“Ҳеч ким эшитмас ҳасратлардан чарчадим... Ортимдан гап-сўз, ғийбатлардан чарчадим... Ҳақиқати кўп туҳматлардан чарчадим... Натижаси йўқ меҳнатлардан чарчадим...” Бу қўшиқдан иқтибос. Тўғри, қалб ноласини ҳеч ким эшитмайди. Шахсий қалб қийноқлари яқинлардан ҳам яширилади, яқинлар уларни эшитмайди. Биз кўп нарсани ичимизда сақлаймиз. Бу бизнинг шахсий курашимиздир. Ҳаётда сабр-тоқат ва ишонч қандай ўрин тутишини тушуниш зарур. Қўшиқнинг “эшиги очиқ зиндонлардан” деган сўзлар бор. Эшиклари очиқ қамоқ. Мен ўзим ҳақимда, қўшиқчи, аёл, рафиқа, она, дўст сифатида куйладим. Бу қўшиқни тинглаган одамлар тушкунликда қолишини истамас эдим. Мен шунчаки ҳаётда оғир кунлар бўлишини ва сабр-тоқат кераклигини айтмоқчи бўлдим. Қора тунлар ёруғ кунлар билан алмашади. Яхшилаб йиғласа, инсон енгил тортади”, – дейди хонанда ўзининг янги қўшиғи ҳақида.

Клипнинг премьерасидан олдин 17-29 май кунлари Instagram’да (http://instagram.com/nilufarusmonova) танлов ўтказилди. Унда 1 000 киши иштирок этди. Танлов якунларига кўра 31 май куни Italiano Vero ресторанида тантанали тақдирлаш маросими ўтказилди. Нилуфар Усмонованинг махсус совғалари танловнинг 20 иштирокчисига берилди. Турли вилоятлардан ташриф буюрган иштирокчилардан ташқари, ғолиблардан бири Малайзиядан учиб келгани айтилмоқда.

Тадбир иштирокчиларидан бири кўпдан буён хонанда билан учрашмоқчи бўлиб юрганини айтиб, кўзига ёш олди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар